Monthly Archives: 十一月 2009

升呢……

老實講，我真係唔明點解要下下都用「升呢」呢個字，突然間，大家都好似好鐘意去用「潮語」……

初初聽到「潮語」既時候，還以為在說的是「潮州話」呢！之後才知是什麼「潮流用語」。

據我自己睇倒，所謂「升呢」，其實只係升 Level 既簡化字，但係，點解要講「升呢」，又唔直接講中文既「升級」呢？都係兩個音之嘛……百思不得其解。

依家興講潮語，但係，有幾多人知道其他潮語係咩呢？老實講，我自己就唔知咩係潮語，新潮、流行的口語？

語言是用來溝通既工具，簡潔，還是繁複也沒有問題，溝通得到便好，但係，依家有時真係唔知對方講乜，因為，我唔夠「潮」，未夠「呢」？還是……我老了？

大家都變得好「潮」，我跟不上「潮流」？？老實講，我唔係「潮人」，我都唔打算要咁「潮」！

嗯！我的中文其實也不是太好，很多時都會放一些「口語化」的東西進我寫的文字裡，甚至乎有些是中英混雜的，而且，我估我寫得也不難明。

今天看報紙時看到一篇文章，看了也覺好笑，說現在人人都講「升呢」，形容那些常講潮語的人，就算點樣唔適合，都像是就得了失心瘋一般，「死都要塞潮語入去」，就是想表現得自己是「潮人」跟得上潮流一樣，郤不知自己變得可笑。

從這個，腦中卻想起以前一些常把英語夾在中文的人，以為會高人一等的人，明明中文字簡潔好多，郤死都要講英文，句句都有 d 英文單字係度，哈！唔知佢地講英文係唔係真係咁叻呢？哈哈！

雖然講既野唔同，一個講潮語、一邊講英文單字，但係，殊途同歸啦！我就唔覺得有咩咁「潮」，有咩咁「威」啵！

我自己就唔係「潮人」，將 d「潮語」不斷以不同的方式，於不同的場景中顯現出來，就連政府發表的文章，都可以加上「潮語」，用「潮語」來代替正式的文字，有點不明所以；明明就可以說成「希望香港經濟可更進一步」，多麼大體，卻偏偏要故作「潮」地去說成什麼「香港經濟要升呢」，奇奇怪怪的；既然連這麼公式的發言也要加上這些「潮語」來嘩眾取寵，大家就不要請別怪責那些用潮語取代書面語作文的學生們，或是用火星文代替地球語言的新一代了。因為，為政的都盲目去追「潮」呢！

只可感慨，中文已經被「潮語」強姦了！

唔集中

呢排唔知做咩，個人好悶……

悶到呢……完全無動力，要搵 d 野搞下……

上星期六，個人無無聊聊，本來想放工去踩下單車，不過總係提唔起勁頭去踩；

放左工，走去飲左杯咖啡，飯都無食就返左屋企！

真係要找些活動呢！

不過，有咩活動搞呢……

BBQ，飯局，來來去去都係呢兩樣野，有點悶呢……有沒有一些較有新意的……