由讀書年代,到依家做左咁多年野,都好鐘意睇漫畫書,由初初既叮噹,到依家既柯南,都花左唔少精神落漫畫書度,但係,咁多年既漫畫展,完全無想過要去,可能係因看對 Cosplay 興趣唔大啦,而我又唔會買咩咩特別版、紀念版之類!
唯一去過既一次都只係舊年一個內地的朋友到港,叫埋去行下;今年呢……應該都無興趣架啦!上個星期先迫完一次,今個星期咪搞我啦!
以前,都會買好多漫畫書,一個月就已經可能用幾舊水落買書度,但係,依家會去 Cafe 之類的地方睇書,以前,會去下佐熊之家,一邊睇漫畫,一邊有飲品提供,一本書既價錢,就已經可以係果處睇兩三粒鐘,而所賣的食物亦很便宜!可惜的是,他們經營了不久就摺埋左啦!有幾年都再無去過呢類 Cafe!
近年,去了間叫十大書坊既地方(其實都唔新架啦!),經營方式有點像佐熊之家,但是,就沒有食物提供,只會提供一些免費的盒裝和鑵裝飲品,在這個夏天,有不少時候會留在那裡半天呢!
現在藏書的習慣已經改變了,很少會買書了,想看便到 Cafe,如果遇到一些想收藏的漫畫書,會嘗試去 Internet 找那些 Soft Copy 去收藏,家裡的書已經太多了,有些能找到 Soft Copy 的,都已經被數碼化,變作 一個個的 JPG 檔了!