Monthly Archives: 八月 2009

MSN名句–請細細品味….

樹多必有枯枝，人多必有白癡。
君子報仇，三年不晚。小人報仇，一天到晚。
醫生叫我行光合作用別熬夜 。
帥有個屁用！到頭來還不是被卒吃掉！
騎白馬的不一定是王子，可能是唐僧；帶翅膀的不一定 是天使，也可能是「鳥人」。
就算是Believe中間還是有個lie 。
就算是 Friend 最後還是會有個 end
就算是 Fuck 起初也要有 Fu。
就算是 Lover 最後還是會 over。
就算是 forget 也要先get才行。
就算是個 puma 最後還是會變ma。
就算有個 wife 心裡也要假設if。
壓力始終來自於新台幣！
不是隨便一個地球人就可以學會火星話的 。
樹不要皮，必死無疑。人不要臉，天下無敵。
『在塞納河畔哭泣』『在濁水溪旁哭夭』這兩者揪~~~~竟有什麼不同呢？
人生，不過比當歸長一點。
懷才就像懷孕，時間久了才能讓人看出來。
上帝給了我們七情六慾，我們卻把它們變成了色情和暴力。
承諾，就像「幹你娘」一樣，經常說，但是很難做到 。
最浪漫的三個字不是「我愛你」，而是「在一起」。
男友在愚人節說了十次我愛你。
客戶是神，因為客戶不是人。
前程四緊就是：手頭緊、眉頭緊、衣服緊、時間緊。
青春就像衛生紙。看著挺多的，用著用著就不夠了。
女人的愛是用說的，男人的愛是用做的。
世上沒有任何的成功，能夠彌補家庭的失敗。
幸福 離我們很近，但，我們都忘了靠近。
天底下沒有所謂複雜的事情，是人的思維和感情把它複雜化了。
人們在男/女朋友身上種草莓的行為…就像是小狗在電線杆尿尿佔地盤！
時間就像乳溝，擠一擠就有。
能者多勞，疲勞的勞！
有教無類→　 有交錢,就不分類!!!
問君能有幾副肝，恰似一串鞭炮爆不完。
硬碟的容量決定男人的力量。
男人過了五十歲只剩下一張嘴，過了六十歲就只有兩個地方會變硬……後頸部的筋脈和不會喊痛的肝。
老王說：「通常蒙上臉的人，都特別厲害。」你是說扁輻俠?蜘蛛人?還是Waterman…??
福利不是問題，問題是沒福利。錢不是問題，問題是沒錢。
今日事今日畢，過了今日就不必。
皮夾裡的發票永遠比鈔票多。
既然上了賊船，就要做個成功的海盜。
我不是隨便的人，但我隨便起來不是人。

其實計落，去中山

真係唔貴！

咁計啦，買套票，八舊水，十一、二張飛，即係七十幾蚊張飛，咁來回，用兩張飛、百六蚊！

酒店，三人房，轉番港紙大約兩舊水，即係每人七、八十蚊一晚！

按摩，當佢五十蚊一粒鐘，比盡按三粒鐘好未？大約港紙百五蚊倒！

食野，應該唔會好貴，當佢咁多餐每人兩舊水！

總計呢……都係六舊水一個入，其實，未必要咁多，睇下食咩囉！

公司

進入公司前
老闆： 萬分歡迎，無左你, 我地公司肯定好大分別！
職員： 如果工作量太多，我會辭職的。
老闆： 放心，我唔會比咁樣既事情發生！
職員： 我逢星期六日可以休息嗎？
老闆： 當然啦！哩個係底線！
職員： 平時會日日OT 到淩晨嗎？
老闆： 無可能，邊個話你聽架？
職員： 有餐費補貼嗎？
老闆： 唔洗講啦，絕對比同行都高！
職員： 有無做死人既風險？
老闆： 唔會！你點會有咁既念頭？
職員： 公司會定期搞旅遊嗎？
老闆： 哩個係我地明文規定！
職員： 那我需要準時返工嗎？
老闆： 唔會，睇情況啦。
職員： 人工呢？會準時出糧嗎？
老闆： 一定係啦！
職員： 所有工作都係新員工做嗎？
老闆： 邊有可能，你上面仲有好多資深既同事！
職員： 如果管理職位有空缺，我可以參與競爭嗎？
老闆： 唔洗問啦，哩個一直係我地公司賴以生存既方式！
職員： 你唔會係呃我掛？

進入公司後…… 由下面讀返上去

再續中山過生日

呢兩日忙到想死，依家先可以停下！吁！

前回提到，第一天的行程就係食完個果籃之後，大家去訓而結束。（哈！完全唔吸引吧！）

第二天一早，大家都懶起床，九點鐘便離開酒店，先到酒店的酒樓內買了不少點心，便乖簢的士往舅父家，可能是星期六的關係，細舅父和舅母已回廠工作，而較大那個表妹去了整牙，表弟也返工去也，只有大舅母，姨媽程細表妹在家，結果……當然食唔哂 d 點心啦！所以，那天早上便只吃那些用蒸做的點心，那些包點都沒有吃，但已吃的很飽了！

哈！每次上去，就好像只有吃和坐，長輩們聊天，我就坐在一角，好像等著吃下一餐般，如果留耐 d，可能會肥好多！哈哈！

在早餐後兩小時，已經到酒樓飲茶，在途中，長輩們已經說好再到舅父工作的休閒中心打牌，我呢，不知到那裡去，兩個表妹互說對方喜歡唱 K，但，最終不知是我聽錯還是當天漂她們都都沒有唱 K 的心情，最後決定還是去按身，不還，大表妹沒按身的興趣，只有我和細表妹去了！

那家酒家，其實食物的味道還不錯，只是，我總覺得碟頭太小，點心，跟香港也差不多，不過，腸粉該就真係小得可憐……我估，一碟蝦腸，只有香港半碟，計落，可能仲貴過香港酒樓！

飲茶過後，長輩們馬上去打牌，而我同兩個表妹，就到酒樓樓下的超級市場閒逛（還是百貨公司，好難分辦耶！），想看看有沒有東西買，想過買洗頭水，但，真修無野想買，原本想睇下「霸王」洗頭水，只是香港的一半價錢，但，我在用的那枝其他品牌的中藥洗頭水還開了不足一星期，買了也只是放在櫃內，所以，完全唔想買！（無錯，我係懶，懶得放咁重既野落行李箱！）（唔得咩！哼！）

之後，又去睇下 d 熱水壺，唔知係唔係咁叫啦！細細個，金屬外層，有「膽」果種囉！還真的便宜，可惜，個個底都花哂，無理由比錢買個花哂既產品吧！（我係！我買野果陣真係好似驗屍的！）

結果，空手而回！不過係回休閒中心！  XD

去到休閒中心，大表妹就上去雀房，而我同細表妹就直上左三樓按身，當天，沒有換那裡的衣服，因為跟細表妹在同一間房按，所以，只沖了沖身，便換回自己的衣服，只退下上衣便按！

技師們進房時，原來又把我昨天的那個技師叫來了，另外中心職員找了一個較年青的幫我細表妹按，昨天幫我按的那個 258 還真按得不錯，所以我完全沒有問題，但是，幫細表妹按的那個呢……細表妹說她「不行」呢！

按過後，細表妹問那個中心員工幫她按的那個是什麼號碼，那員工說了，並告訴我們，幫我們按的是最高鐘的紅牌，細表妹顯得有點不以為意，那個員工關門離開後，我倆吃著水果，她便品評那兩個技師了！

好說幫她按的那個，一按她她已知道那女孩不成，然而看到幫我接的那個，按頭時按得很準，不知怎麼幫她按的可以跟幫我按的那個相比！我說，你覺得那個幫她按的漂亮吧，有時，高鐘的未必真的按得好！

不過，可能大家對美的標準不同，細表妹覺得幫她按的那個女孩美，然而，我覺得好普通囉（哈！我要求高？！）

（唔知點解，身邊好多時會有靚女朋友，所以，見慣靚女既我，評審標準會極高！真的給我評為靚女的，咁耐以來都只得一、兩個，其他人地評為靚女的，我只評為中上……如果我以「靚」唔靚來找另一半，死硬！要做死一世王老五！）

按完身，找數只係百六蚊倒，兩個人，唔貴！最好係，係中山唔駛比小費，平左呢樣，反而香港同深圳，如果加埋小費，都算貴啦！

之後去雀房會合長輩們，小睡了一會，便替母親打了兩圈，老實講，好唔慣打中國牌，又唔比上，槓又要比錢……好煩，不過，部麻雀機好方便，正！唔駛煩砌牌，對我呢種懶人，絕對係好既發明！

可能唔駛理砌牌，我真係係咁食糊，在後邊看我打牌的母親和長輩們都說我的「手長」太利害，要果隻，有果隻，結果，媽子大勝！（哈！情場不得意，賭場啦喎……嗚嗚！）

之後又回到昨晚的酒樓吃飯，天呀，又係雞！XDDD

飯後回到舅父家，舅父跟母親在屋外聊天，很緊張表弟幾時才考慮結婚……（才廿四……）跟著突然扯到我身上，吁，胡扯一翻才能甩身呢……

回酒店後，本來想去旋轉餐廳飲下野，不過太夜了，是次應該沒機會去了，明天便回港，沒法子啦！下次再去吧！

嗯！打左好多野，下回再……再……再……再……再……再……續！

大玩電話問卷調查員

陳先生：喂～
訪問員：先生你好呀，我係代表XX公司就本年度高中低產消費者產品消費意欲傾向綜合性意見做個全港性電話問卷調查架(講到冇氣~~")….我姓胡架～:
陳先生：……….靜左幾秒 (悶悶地…諗住玩野)
訪問員：喂喂！？先生
陳先生：呀～我係小姐黎架 (明明男人聲)….頭先你句野好很長，可以再講一次嘛？
訪問員：…..哦….好既….我係代表XX公司就本年度高中低產消費者產品消費意欲….(抖氣)….傾向綜合性意見做個全港性電話問卷….調查架…我姓胡架～
陳先生：哦….好呀～！我都有時間呀～你問啦
訪問員：唔該晒你呀先生….呀？唔好意思…唔該晒你呀小姐
陳先生：唔使唔好意思
訪問員：係….小姐….請問你係咪全職既在職人士呢？全職既定義係每星期最少工作四十小時以上
陳先生：係呀？我係呀～
訪問員：係….咁小姐請問你月薪係介乎A：5000至10000，B：10000至15000，C：15000至20000，同D：20000以上
陳先生：我15000咁算係B定C呀？
訪問員：Eer….15000應該算係C架啦小姐
陳先生：不過我扣左5%強積金，冇15000架啦播
訪問員：咁呀…咁當你B啦小姐
陳先生：都好啦，B就B啦……呀～我剛剛記得我年終有花紅同雙糧架，呵呵～
訪問員：……..咁係算C啦小姐 (想鬧佢)
陳先生：呵呵～好呀～！
訪問員：請問小姐你每個月大約會用幾多錢去買化妝品呀？
陳先生：我唔買架～！
訪問員：下？！小姐你唔用化妝品？護膚品都算架喎
陳先生：我老婆…老公買俾我架～
訪問員：….哦，咁請問你先生依家方唔方便黎聽一聽呀？因為要問返消費者本人先得架～
陳先生：哦好呀～！你等等呀～．．．．一秒後用同一把聲講：喂？邊位呀 ?
訪問員：………..小姐….唔係…先生…..
陳先生：喂？邊位呀？我係…男..人！！(差D忍唔住笑)
訪問員：…..先生….你好呀～我姓胡架，我係代表XX公司就本年度高中低產消費者產品消費….
陳先生打斷講：得啦….頭先聽過架啦"
訪問員：下
陳先生：Eer….我係話，頭先我老婆同你傾果時我聽到
訪問員：原來係咁….咁想問先生係咪全職既在職人士呢？全職既定義係每星期最少工作四十小時以上
陳先生：係呀 !
訪問員：咁先生請問你月薪係介乎A：5000至10000，B：10000至15000，C：15000至20000，同D：20000以上
陳先生：A呀
訪問員：下？！ (少過個老婆咁多…)
陳先生：有問題咩？
訪問員：呀？唔係，請問先生你每個月大約會用幾多錢去買化妝品呀？護膚品都算架
陳先生：$12000到啦
訪問員：$12000？！
陳先生：唔得咩？搵五千唔可以洗萬二呀？我銀行有錢呀！
訪問員：我唔係咁意思，不過正話你太太係話你買俾佢架喎
陳先生：係呀～係我買俾佢架，不過佢俾錢我，我去買囉～！
訪問員：…………XYZ@X#$%^

上回講到……

第一天那晚，在中山吃晚飯時，在結賬那刻才告訴長輩們那頓飯是我請客，當然，不想亦不會讓長輩們埋單啦！

不過，上回好像沒告訴大家我們吃了什麼吧！

哈哈！當然，會很豐富的一頓飯，老實講，菜色太多，我也記不了這麼多，十多個菜，埋單也只是四百多！

當中，有兩隻雞，不知從何時開始，舅父一家就認定我很愛吃當地的走地雞，每次去吃飯，總會叫兩隻白切雞放在桌上，幸好兩隻雞的大小只有香港的一半大小，所以，兩隻雞也可以吃得下的！

對，我還真愛吃當地的雞，因為牠比香港買到的都瘦，而且，亦比香港吃到的有雞味，不會像香港的雞般，得個肥字；不過呢，其實我也沒舅父們所想的，那麼對雞著迷！

應該說是，我很喜歡吃舅父弄的白切雞，因為，舅父通常都會先幫那隻雞起骨，真的一塊骨頭都沒有！吃起來不用理會骨頭，啖啖肉咁，好正架！有時真係想叫舅父開間食店呢！哈哈！以他的手藝，一定會大賺！

香港的雞通常都是蒸的，而當地會是用滾水浸熟，油份會流失於那些浸雞的滾水中，相比香港用蒸的，肉質會滑一點，皮亦爽口一點，而且，上菜時不會有太多雞油，對愛美的女士們，應該很吸引吧！如果用來做冷盤的再吃，我一定可以自己吃一整隻呢！哈！

當晚還有魚、有蝦、有蟹，味道應該都算不錯吧！

現在，中山的消費其實都不算很便宜，只是比香港的價錢便宜少許，要懂得找才會找到一些便宜又好吃的店，好像，在酒店中的茶樓，一籠蝦餃、燒賣，也要十二元，在香港，也差不多價錢吧！物價高脹，比香港來的猛得多呢！當然，有些店的價錢也沒多大的變動，就要看你要吃門面，還是要吃較地道的美食了！

吃過飯便回舅父家，長輩們都聚在一起談天說地，過兩個月原來是外婆的生忌，會大搞呢！我在當中聽他們在說下次來中山的安排，還好，又是星期六，計過應該是長周來的，不過調價應該不是問題呢！

還有就是表妹出嫁的事，應該是出年年初，出年再看吧！年初，又會大把假期在手呢！ ^^

可能先前日蝕的關係，中國那邊有般天文熱吧！表弟買了一台天文望遠鏡放在天台，便走上去也「觀」他一觀！可能現在都沒太看夜空吧，記得小時候，回中山時都會很愛橫趟在長凳上，看著天空睡覺，有很多的星星可以看到，閃呀閃的，很寧靜呢！（現在可沒那麼大張的長凳呢……會跌倒耶……）但是，在開發工業的現在，望上天邊，是星真的少了……能看到的星星也不多，代之而起的，是天空上的雲，反射地面光管的灰白一片吧，用望遠鏡，只會看到很小的星星！反而，我們用那台望遠鏡來望飛機，也有趣味呢！

回到酒店，已經十點幾啦！由於當天是小弟牛一，所以酒店送了一張卡，和有幾個水果的小果盤到房間中，還真夠貼心呢！（才二百元的房租！）

嗯！又來一個下回再續！呵呵！

今日係十六號……

唔經唔覺，已經過左今年既生日，而今年既生日，過得比往年特別一點！

每年，我生日果日都會放假，都會留在香港過（唔計前年出差上海），今年都唔例外，只係，今年專登調埋周末，變相放左三日假。

十四號，正日，放假的第一天，一早就起身，坐車去太子乖坐直通巴士，就如往時一樣，肥人出門招風雨！

都唔知應該話，好得意丫，還是黑仔，每次北上出門既時候都會落雨，唔理咩時候，少少都好有！

今次係第一次用套票，因為一次買多張，所以，一定會平過以前一張張咁買，車錢呢，就已經慳左唔少，酒店呢……一會再說！

車程很順，如常一個小時便到達深圳灣，今次多左張表要填，健康申報嘛……個人覺得，真係無咩用囉！

一出深圳灣，個天呢……唉！放晴，真係鐘意玩野，少少都要落下……從不例外！

都好，唔落雨應該係好事，如果唔係生日要係個雨天渡過都無癮啦！

早一、兩天已經打電話回中山舅舅家，約好歡聚一番，並打給住在他方的姨媽，叫她一起到中山玩，可惜，她說她未能出席。

九點半左右，接到舅母的電話，告訴我們姨媽也能出來中山玩呢，那真是意外的驚喜啊！而且姨丈亦會來，他們十點半會到中山，比我們還要早一個小時到！

到達中山的富華酒店，先到櫃面登記住房，出發前已經訂好一間三人房，由於當地的競爭，房價亦不高，但估不到的是，我訂房時，說好是每天二百二十元人民幣一間三人房的，但是，當我到達登記時，房價只是二百元，哈哈！賺了！大家可能會說：「死肥佬！你聽錯下話？」不是呢，因為不是第一次住這酒店，其實每次都是二百二十蚊……

入到房間，由於是住舊翼那邊，只有三星的級數，但以逼這個房價，我個人覺得已經很不錯了。

放好了東西，便到大堂等姨媽她們，不久，她們已經到步，一起到富華酒店內的酒樓飲茶，不知為何，星期五亦有很多人飲茶呢，等了很久，才找到位子，—坐低，就走去叫左好多點心，最愛是他們的排骨蒸腸粉，味道很好，很惹味的，大家有機會可以去試—下，可惜那個砂鍋排骨腸粉已經賣清，但蒸的已經很好！

舅父們也相繼到達，飲飽食醉之後，本來是去舅父家的，可是因為停電的安排，結果，決定到舅父工作的會所打麻將，而我，就一個人在同一會所按身，一個人在那裡按了三個小時，坐左咁耐車，按完成身都輕鬆哂！有—個小果盤，一杯野飲，連三小時按身，加埋張 VIP 卡都係一百一十幾，正！之後叫舅父幫我開左張 VIP 卡，我按完他們也打完牌，之後到酒樓吃飯直到那刻，他們都不知道我當天生日呢，埋單我一刻，我才說那天是我生辰，我在擺生日飯局，，那晚，沒有人爭比錢，當然，第二天長輩們會請我吃飯呢！

太多了，有點眼訓，下回再續！

紋身

細細個果陣，因為成日去父母親的一個朋友家，所以，已經成日見倒紋身既人！

每次見倒那家人的兒子，全身都是龍呀、虎呀、觀音呀！不期然會想：好看嗎？我唔識欣賞囉！只係覺得 …… 好花 ……

年紀大了一點，知道原來紋身並不是畫上身上的，而是用針加上色素打入皮膚下，那是不能清除的（那時科技沒現在先進呢！），看到電視中那個在紋身的大漢，應該很痛吧！

我是一個很注重感覺的人，又或者我對圖像要求太高，看了很多的紋身圖案，都覺得自己不會愛上這種「藝術」的表達方式，身體，可以是一張畫紙，紋上花紋，有時會的感有一刻的美感，但是，這張畫紙，一生人就只有一張，而且質素也是每一刻都在變化，會有走樣的危機！像我，一個好肥既人，如果減磅，咁張圖咪拉張左囉？完全無果種衝動去紋身！

其實，紋身圖案嘛 …… 也不是不喜歡的，只是，不會把這些留在身體上，當年就很愛買一些有紋身圖騰的電話殼，但是，隨著年紀大了，對這些圖騰的要求也提高；不知道那些紋身的人，是不是因為對自己身上的圖生厭，而去加紋呢？成癮就係因為追求完美的心吧！

滿身都是圖案，我也真不了解靚係邊啦！